basant ke aagaman kee padachaap khojate jab main prakrti kee or unmukh hua to kuchhek sarason ke phool aur genden mein mujhe basant sakuchaaya sa mila . phailate kankreet ke jangalon mein kaayade se rakhe gamalon tak pahunchane mein basant sahama-sahama ,ghabaraaya sa laga.
mahua svayan apane astitv kee jang mein karaahata dikha phir maadak sugandh kaun phailaaye . aamramanjaree par rasaayan ke chhidakaav se thoothane phadakane lage aur bijalee see kaundhee “yah nahin aamravan madhushaala “. “koyal kee kook” kee kaun kahe “kauve kee kaanv-kaanv ” bhee baamushkil sunaee padatee hain . thand se nizaat milee nahin ki badhate taap mein basant vaashpeekrt ho gaya hai . tan kee jalan ne man ko dagdh kar daala hai . na aadhaar hai na sahaj adhar phir keval atiranjanaon par basant tike kaise ?
basant talaashate main saahity ke vaataayan mein bhee jhaanka . sapaatabayaanee vaalee kavitaon se basant usee tarah gaayab mile jaise chhand . saahity mein kisaanon kee bhaanti prakrti se upekshit basant bhee aaut deted ho chale hain . basant ke saath hee kaviyon kee duniyaan mein hone vaale hangaamen ka shor kab ka tham chuka hai aur main basant dhoodhata phir raha hoon
badalatee jeevan shailee, kaam ke adhik ghante ka dabaav, avakaash ke kshanon mein bade-bade maaail mein anaavashyak khareedadaaree mein khushee khojatee bheed, tahareeph ke lie net sarphing ke badhate chalan se kadr viheen basant munh chhipaane ko vivash hai . basant,yauvan aur prem kee trayee ko kairiyar sanvaarane ke bojh ne hosh uda rakhen hain . saundaryabodh ko arthabodh ke painepan nen bindh diya hai .
na jaanen kab basant phisalata sa prativarsh aata hai aur ni:shabd laut jaata hain . koee notis bhee nahin karata, charcha bhee nahin hotee, aata bhee hai ya nahin kaha nahin ja sakata . ehasaas ke tal par sarasata ka sookhaapan phailata ja raha hai………..
Hy hanswahini se gjbe kmar lchke tk
kaheen main sire se hee to galat nahin hoon . vibhinn bhaaree-bharakam samasyaen surasa kee tarah munh phailae khadee hai aur main basant dhoodhane ke bahaane jabaran anadekhee ka prayaas to nahin kar raha . agar aisa hain to palaayanavaadee pravrtti ke pratiphal kaaphee gahare honge .
लेखक : निशिकांत ठाकुर
No Comment